އިންޑޮނީޝިއާގެ ސުމަޓްރާ ކައިރި އަށް އައި މި ބިންހެލުމުގެ ލޮޅުންތައް ރާއްޖޭގެ އެކި ހިސާބުތަކަށް ވަނީ ކޮށްފަ. ސުނާމީއެއް އުފެދުމުގެ ފުރުސަތު ވަރަށް ބޮޑު ކަމަށާއި ރާއްޖެ އަށް ވެސް ސުނާމީ އައިސްދާނެ ކަމަށް ބަލަން ޖެހޭނެ ކަމަށް މެޓުން ދަނީ ބުނަމުން.
ޕެސިފިކް ސުނާމީ ވޯނިން ސެންޓަރުން ބުނީ ރާއްޖޭ ގަޑިން މެންދުރު ފަހު 1:39 ގައި ސުމަޓްރާގެ ހުޅަނގު އުތުރު އައްސޭރި ފަށަށް އައިން ބިންހެލުމުގެ ބާރުމިނަކީ 8.7 މެގްނިޓިއުޑް ކަމަށް. އަދި މިއީ އިންޑިއާ ކަނޑުގެ ބޮޑު ސަރަހައްދަކަށް ނުރައްކާ ވެދާނެ ވަރުގެ ސުނާމީއެއް އުފެދިދާނެ ފަދަ ބިންހެލުމަކަމަށް. މިކަމުގެ އިންޒާރުވަނީ ރާއްޖޭގެ އިތުރުން ދުނިޔޭގެ އަށާވީސް ގައުމަކަށް ދީފަ. ސުނާމީއެއް އަރައިފާނެ ކަމުގެ އިންޒާރުދީފައިވަނީ ރާއްޖޭގެ އިތުރުން އިންޑިއާ، ސްރީ ލަންކާ، އޮސްޓްރޭލިއާ، މިއަންމާ، ތައިލެންޑް، އިނގިރޭސި ވިލާތް، މެލޭޝިއާ، މޮރިޝަސް، ރިޔުނިއަން، ސީޝެލްސް، ޕާކިސްތާން، ސޯމާލިއާ، އޯމާން، މަޑަގަސްކަ، އީރާން، ޔޫއޭއީ، ޔަމަން، ކޮމޯރޯސް، ބަންގްލާދޭޝް، ޓެންޒޭނިއާ، މޮޒެމްބީކް، ކެންޔާ، ކްރޮޒެޓް އައިލެންޑް، ކެރްގުއެލެން އައިލެންޑްސް، ސައުތު އެފްރިކާ، ސިންގަޕޫރު އަދި އިންޑޮނީޝިއާ އިން ވެސް ސަމާލުވުމަށް އިލްތިމާސްކޮށްފަ. ރާއްޖެއަށް މިކަމުގެ އަސަރު ފޯރާނެ ކަމަށް ބެލެވެނީ ރާއްޖެ ގަޑިން 4-5 އާ ދެމެދު ކަމަށް ބެލެވޭ.
ليست هناك تعليقات:
إرسال تعليق